Viljið þið ganga úr EES?

Félag ungra frjálslyndra leggst gegn Evrópusambandsaðild ásamt öllum milliríkjasamningum sem á einhvern hátt afnema fullveldi Íslands.“

Fyrst þetta er skoðun Frjálslynda, þá væri gaman að heyra hvaða lausnir þeir hafa um vandamálið sem Ísland stendur frammi fyrir í efnahags og peningamálum. Ég hef séð þingmenn flokksins tala um að krónan og verðtryggingin sé vandamál, en hver er þá lausnin ef evran er út úr myndinni?

Ég væri til í að fá að vita hvort ungir frjálslyndir séu þá á því að við eigum að ganga úr EES? Miðað við þessa yfirlýsingu þá virðast þeir vilja segja upp þeim samningi, og reyndar kannski einnig mannréttindarsattmála sameinuðuþjóðanna, sem við Íslendingar höfum samþykkt - sem í raun skerðir fullveldi Íslands til að níðast á íbúum sínum.

Leggjast gegn aðild að ESB

Davíðs armur Sjálfstæðisflokksins er byrjaður að reyna sprengja

Þeim tókst að sprengja borgarmeirihlutann með REI-ruglinu, og reyndu þá að grafa undan Villa til að gera Gísla Martein að borgarstjóra, en það tókst ekki betur en það að Dagur er núna borgarstjóri. Nú er svipuð herferð hafin innan ríkistjórnarinnar; Þorsteinn sonur Davíðs Oddssonar er skipaður í stöðu af hægri armi Sjálfstæðisflokksins þar sem hann er alls ekki hæfasti umsækjandinn - með það eitt að markmiði að reka fleyg í ríkistjórnarsamstarfið. Björn Bjarnason og hægri Davíðs armur flokksins eru að reyna sprengja stjórnina til að fá fram vinstri stjórn á einum viðkvæmasta tíma í efnahagslífi landsins, og ætla sér síðan að nota það til að sýna hvað Geir hefur lítil tök á Sjálfstæðisflokknum til að taka völdin aftur. Hinn möguleikinn er að mynda nýjan meirihluta með VG - semsagt win/win fyrir íhaldið í Sjálfstæðisflokknum.

En þessari stjórn verður ekki slitið af Ingibjörgu Sólrunu - það eru meiri líkur á að hún liðist í sundur vegna innanflokksátaka innan Sjálfstæðisflokksins.

Völvan spáir stjórnarslitum

Íslenska álkvæðið um aumingjaskap

Ótrúlegt hvað þessi litla fátæka þjóð okkar þarf margar undanþágur til að fá að skemma landið sitt, og koma í veg fyrir aukinn hagvöxt í þróunarríkjunum. Geir ætti að skammast sín, og vonandi mun umhverfisráðherra vera honum ósammála.

Geir: Eigum að reyna að fá samþykkt nýtt íslenskt ákvæði

hehe

losunarheimildir

Markaður með losunarheimildir nær til EES

Frábært!

Það var orðið alveg ljóst að Davíðs fólkið í Sjálfstæðisflokknum ætlaði ekki að púkka upp á Villa sem borgarstjóra lengur, og að Gísli Marteinn ætti að taka við.. og ég skil Björn Inga alveg að vilja ekki horfa upp á það gerast. Villi hlýtur eiginlega bara að vera feginn að vera ekki lengur í snörunni, og þótt að þetta sé ekki ákjósanlegt fyrir Sjálfstæðisflokkinn, þá er þetta betra til langs tíma litið en sá klofningur sem hefði myndar hefðu þeir náð að bola Villa Geirs manni fyrir Gísla Davíðs mann.

Ég sem Samfylkingarmaður er auðvitað gríðarlega ánægður að fá Dag sem borgarstjóra - enda er maðurinn ótrúlega hæfur þrátt fyrir að það komi ekki alltaf í ljós þegar myndavélunum er beint að honum. Þrátt fyrir að þetta sé hálf ógeðsleg samsuða af flokkum, þá er t.d. Margrét Sverris alveg 100% kona, og pólitísk framtíð Björns Inga hangir á því að haga sér vel í þessu samstarfi, þannig að ég óttast þetta ekki neitt. Miðað við afrek og atgerfisflótta fólks úr borginni vegna fráfarandi meirihluta í borginni á einu ári, þá getum við borgarbúar ekki verið neitt annað en bjartsýn með betra fólk við stjórn!.

Sviptingar í borgarstjórn

We are all a bunch of monkeys..

Stundum les ég eitthvað kristnilegt bull um hvað einhverjir hópar séu svo uppfullir af ranghugmyndum að þeir eigi ekki skilið að gifta sig, eða hvernig önnur trúarbrögð séu í eðli sínu vond.. þá, í vonbrigðum mínum út í mannkynið, finnst mér ágætt að rifja það upp að við erum bara apar.. meirasegja ekkert það gáfaðir apar, en við erum bara svo mörg að við náum að prófa næstum alla möguleika á heimskunni okkar þannig að einhverjir okkar rekast á eitthvað gáfulegt inn á milli

Ein vitleysan frekar en önnur!

Er ég að missa af einhverju miklu með þessar djúpboranir? eru þær farnar að skila svona mikilli orku að við getum bara farið að flytja hana út í miklu magni? Síðast þegar ég vissi þá eru ný kjarnorkuver eins og þau sem er verið að byggja í Frakklandi og Finnlandi að búa til jafn mikla orku og allar virkjanir á Íslandi til samans. Heildar möguleg raforka á Íslandi til samans jafnast ekki á við stóru virkjanirnar í S-Ameríku eða Kína, en samt talar fólk hér eins og við séum bara að fara skaffa heiminum orku; þrátt fyrir að virkjanirnar hér gætu ekki knúið áfram sjónvörpin í Bandaríkjunum nema að það væri slökkt á þeim öllum.

Það er ansi langt til meginlandsins frá Íslandi, og það gengur nógu ílla að halda ljósleiðara sæstrengjunum okkar heilum.. ég er ekki að skilja þessa raforku útflutningsumræðu, neitt frekar en afhverju við ættum að geyma rafmagnið okkar í vetni frekar en batteríum í framtíðinnið í bílunum okkar.

Mæli með að skoða þessa Wikipedia grein um raforkugerð með virkjunum, sem listar löndin með mestu raforkugetuna og sýnir stærð stærstu virkjanna í heimi. Bara svona listi sýnir manni hvað við erum lítil tala í framleiðslugetu í rafmagni, og að 300miljarða kjarnorkuver búi til meiri orku en við munum geta flutt út nokkurntímann, sérstaklega eftir að orkan er búin að tapast í einhverjum sæstreng yfir til meginlandsins.

Sæstrengur fremur en vetnisflutningar

Held að matarverðið sé enn hærra

Ég bjó í Danmörku á síðastliðnu ári og mér fannst mataverð vera miklu lægra en hér á Íslandi, en það var ekki endilega bara útaf verðinu út í búð heldur einning útaf tilboðunum í búðunum! Það var endalaust verið að selja manni tvö kíló af kjúklingabringum á verði eins, þrjár pakka af kexi á verði tvegga og fleira sem virkilega lækkaði matarkörfuna hjá manni. Svona tilboð eru ekki tekin með í vísitölumælingar, og miðað við að besta tilboðið sem ég hef séð er 20% afsláttur við kassa um miðja viku í Bónus þá held ég að matvælaverð í raun sé mun hærra hér en mælist í könnunum!

Það er svo sorglegt að sjá hvernig umræðan um matvælaverðið þróast alltaf; Framsóknarmennirnir kenna háum launum um, Sjálfstæðismennirnir benda á Baug, Vinstri Grænir eru bara á móti háu matvælaverði en koma ekki með lausnir frekar en fyrri daginn en Samfylkingin leggur til að lækka alla verndartolla til þess að vera með svipað verð og í Danmörku. Sjálfstæðismennirnir vilja ekki sjá að það verði hróflað við landbúnaðarkerfinu þannig að ég held að við getum ekki búist við því að sjá matvælaverð lækka mikið í tíð núverandi ríkistjórnar þar sem landbúnaðar og fjármálaráðherrar Sjálfstæðisflokks munu alltaf koma í veg fyrir það.. og ekki mun þessu kerfið vera breytt með Framsókn.

Þess vegna er ég og mjög margir aðrir komnir á það að matvælaverð muni ekki lækka fyrr en við göngum í ESB og þurfum að fella niður alla verndartolla á landbúnaðarvörur. Verst hvað margir óttast ESB aðild af einhverjum falsrökum, því ef maður skoðar það þá breytist ekkert annað hér en að við getum tekið upp stóran stöðugan gjaldmiðil í stað krónunnar og matvælaverð mun lækka mjög mikið. Sjávarútvegstefna ESB samrýmist algjörlega Íslenskum sjávarútvegi, og við erum nú þegar búin að taka upp meirihlutann af regluverkinu í gegnum EES samninginn okkar. Ég vona að þessi umræða fari alminnilega af stað, og að fólk hætti að segja að við glötum sjálfstæðinu eða missum fiskimiðin okkar, því það er bara ekki rétt!.

Matvæli dýrust á Íslandi

Sumarfrí í Reykjavík

Það er ótrúlega fínt að vera í sumarfríi í Reykjavík þegar veðrið er eins og það hefur verið síðustu vikurnar. Það eru nokkrir hlutir sem ég held að hinn almenni Reykvíkingur sé að láta algjörlega framhjá sér fara;

• Fiskur í ostabúðinni á skólavörðustíg í hádeginu
• Fiskur úr fylgifiskum á grillið! Þorskur í bananalaufi er snilld
• Hrefnuspjót og humarsúpa hjá Sægreifanum
• Bjór í garðinum á Sirkús
• Rúgúlapizza með speltbotni á Reykjavík Pizza Company

Annars er í raun komið nóg af Reykjavík í bili.. ætla skreppa norður og skoða bruggverksmiðjuna Kalda og fá mér síðan að borða á veitingarstaðnum Brekku í Hrisey! held að það verði algjör snilld, en mun örugglega ekki endast neitt sérstaklega lengi í rigningunni á Akureyri!

Sá þessa mynd á leiðinni út í Krambúð í fyrradag.. áhugavert;

Carlos Tevez á leiðinni, og 365 ræna mig!

Ég varð svo spenntur yfir því að Tevez er að koma til United að ég hringdi í 365 til að panta áskrift um leið! og var mjög ánægður að heyra að ég get fengið Sýn2 í gegnum Skjáinn þannig að ég þarf ekki að fara hengja eitthvað loftnet utan á húsið mitt; en þegar það kom að verðinu þá var mér ekki alveg sama. 4300kr, í stað 2800kr sem ég var að borga fyrir nákvæmlega sömu fótboltaleiki á Skjá Sport - ég bjóst við að fá Meistaradeild Evrópu með, en nei! þá þarf ég að bæta Sýn við sem eru auka 4000kr og þá er ég kominn yfir 8000kr fyrir að vilja horfa á fótboltann minn!

Þetta eru ótrúleg vonbrigði! mér er alveg sama þótt boltinn hann Guðni Bergs sé að fara tala um fótbolta þarna allann daginn, ég vill bara horfa á fótbolta og borga 2500kr fyrir, og kannski 4500kr til að fá meistaradeildina, bikarinn og NBA. Þvílíkir bjánar að ætla rukka mann yfir 8000kr fyrir Enska+Meistaradeildina.. og 14000kr ef maður vill bæta Stöð2 við! Ég ætla að borga þeim eins lítinn pening og ég kemst upp með..

Krafist beinnar sölu á Tévez til Manchester United