Hvaða Framsóknarmaður lekur svona?

Það er stórundarlegt að allar stórfréttir innan Framsóknarflokksins komast í fjölmiðla áður en þær eru komnar almennilega á borðið hjá Framsókn; fréttamennirnir vissu allir að Halldór væri að fara segja af sér áður en það gerðist, þeir vissu allir að Finnur Ingólfsson ættu að taka við flokknum áður en það náðist sátt um það þannig að það varð ekkert af því, og núna vita þeir að Jón Sigurðsson sé að fara segja af sér.

Það er ekki nóg með að Framsókn leki fylgi yfir á hina flokkana, heldur er greinilega leki þar hjá innsta koppi í búri -- og þá örugglega hjá einhverjum sem sér sjálfum sér hag í því að fréttamennirnir ýti atburðarrásinni hratt og örugglega áfram. Hvort þetta sé Valgerður, Guðni, Siv eða Björn Ingi - það verður gaman að vita, en einhver af þeim er að reyna stýra atburðarrásinni til að verða formaður.

Fullyrt að Jón Sigurðsson ætli að segja af sér

Athugasemdir

[Ólafur Sveinn Haraldsson (IP-tala skráð) 22.5.2007 kl. 10:03]

Sæll Jónas, tek undir þetta með þér. Þetta er með ólíkindum hvernig öllu er lekið út. Það er verið að hanna atburðarrás. Vonandi að Jón láti ekki undan svona vinnubrögðum.