Frábærar ræður

Það er mikill munur á uppstillingur Samfylkingar þarna og Stjórnarflokkana hinsvegar; stjórnarflokkarnir láta ráðherrana sitja fyrir svörum þar sem sett er upp sýning um stefnumál og spurt þægilegra spurninga. Hjá Samfylkingunni voru nýliðar í hópnum hinsvegar spurðir nokkuð erfiðra spurninga, eins og sú sem Árni Páll fékk frá Margreti Frímanns. Það var ótrúlegt að hlusta á ræðuna hans Árna, þar sem hann minnti mann svo sterklega á af hverju maður er í Samfylkingunni en ekki Sjálfstæðisflokknum eða VG - framtíðarsýnin var svo skýr og áherslumunurinn á þessum flokkum og Samfylkingunni kom svo berlega í ljós þegar hann sagði "að Samfylkingin muni ekki fara í ríkisstjórn að loknum kosningum til þess eins að hjálpa Vinstri grænum í væli um vonsku heimsins og til að hrekja bankana úr landi. Þá sagði hann flokkinn heldur ekki ætla að taka við hlutverki Framsóknarflokksins sem aukadekk íhaldsins".

„Samfylking fari einungis í stjórn á eigin forsendum"

Sama tilfinning og ég fékk!

Þar sem ég hef mætt á nokkra landsfundi Samfylkingarinnar, þá var stór munur á hinum fundunum sem maður hefur mætt á og þessum! Stemmingin var mjög góð, og það var ótrúlega gaman að sjá hvaða fólk var að mæta þarna, því maður hefur aldrei verið viss hvað hinir og þessir standa í pólitík - en þarna voru margir mættir með nafnspjöld sem maður hefur ekki séð vinna innan Samfylkingarinnar áður, eða höfðu ekki gert það í langan tíma.

Að vera á svona fundi sýnir manni hvað maður er í miklum alvöru stjórnmálaflokki; þarna var fært fólk, að tala um málefnin af alvöru. Það var ekki froðusnakk um efnahagsmál þar sem reynt var að ljúga að fólki að ástandið væri í lagi í núverandi vaxtaokri og verðbólgu. Þarna var líka fólk sem veit um hvað það er að tala í Evrópumálum, en er ekki að reyna kæfa umræðuna með lygablendnum hræðslu áróðri. Og þarna var einnig fólk sem gerir sér grein fyrir því að máttur íslands felst ekki í að drekkja náttúrunni fyrir raforku í álver - þarna var samankomið fólk sem hefur trú á því að hátæknifyrirtæki og menntun muni skapa Íslandi alvöru hagvöxt, en ekki hagvöxt langt undir meðaltali eins og staðan er í dag. Þau 3 til 4 álver sem eru skipulögð af stjórnarflokkunum fyrir næstu ár munu þýða hátt í 20 nýjar virkjanir, af öllum stærðum og gerðum og því miklar landsfornir fyrir mjög lítinn gróða.

Það styttist í kosningar, og maður vonar að Samfylkingin fari að ná í gegn með málflutningi sínum. Efnahagamálin voru mikið rædd á þessu landsþingi, enda hefur efnahagsstjórn núverandi ríkistjórnar gjörsamlega brugðist. Það eina sem manni fannst vanta voru einhver átök því flokksmenn voru voða sammála. Gömlu Alþýðubandalagsmennirnir sátu þarna út í horni og voru að hlægja að því að það væri ekkert baktjaldamakk í gangi og ekkert hægt að plotta, því nú væri flokkurinn bara orðinn of stór til að komast upp með þannig vitleysu.. mér fannst það mjög fyndið, enda fátt hægt að ákveða í reykfilltum bakherbergjum á 1400manna landsfundi.

Ingibjörg Sólrún: Erum orðin fullmótaður flokkur jafnaðarmanna

Frábær dagur

Ætlaði ekkert að mæta á landsfundinn í dag, en þegar ég sá fréttina á Mbl um ræðu Ingibjargar og las ræðuna yfir, þá ákvað ég að drífa mig uppeftir.. og þvílík stemming! Þetta er alveg ótrúlega vel útsett hjá Samfylkingunni, og ég hlakka eiginlega bara til að mæta í fyrramálið og halda áfram að vinna með þessu fólki. Það var líka mjög skemmtilegt að horfa á Kristrúnu Heimis í kastljósinu að valta yfir Ragnheiði Elínu aðstoðarmann forsætisráðherra. Mæli með að fólk kíki á það hér.

Samfylkingarfólk er uppfullt af bjartsýni á þessum landsfundi - enda ekkert annað hægt í stöðunni, maður verður að vona að það rætist eitthvað úr þessu leiðindar ástandi sem flokkurinn hefur verið í. Að sama skapi eru Sjálfstæðismenn mjög bjartsýnir á sínum landsdfundi - enda þýðir ekkert að vera raunsær þegar efnahagsástandið er eins og það er. Undir 2% hagvöxtur, næstum 8% verðbólga og stefnir í halla á ríkisjóði með tilheyrandi lækkunum á lánshæfismati ríkisjóðs og þá bankanna í kjölfarið. Vont hvað Sjálfstæðisflokkurinn hefur haldið illa á spöðunum í ríkisfjármálunnum... og eiginlega verra hvað Samfylkingin er að fá lítið fylgi í skoðanakönnunum, því ef kosningarnar fara þannig þá mun ekki verða nein breyting þar á.

„Það þarf konu til að koma jafnaðarmannastjórn að völdum"

Páskapæling

Mæli með því að allir áhugamenn um stjórnmál þessarar aldar horfi á TED fyrirlestur Bills Clintons. Það er ótrúlegur innblástur sem maður fær stundnum við að horfa á þennan mann tala, og þarna er hann að tala um hvernig hann er að vinna að því að byggja upp heilbrigðiskerfi innan Ruganda. Þegar maður horfir á svona fyrirlestur, þá finnst manni hálf óskiljanlegt þrasið hérna fyrir kosningar; áróður gegn útlendingum, gegn aukinni samvinnu Evrópu (þar sem ESB veitir nær 60% af þróunarhjálp í heiminum) og fleira, en ekkert minnst á að Ísland borgar minnst allra í þróunarhjálp, og er með hæstu verndartolla sem þekkjast.

Ætla samt ekki að missa mig of mikið í alþjóðlegar pælingar, það er nógu erfitt að gíra sig upp í kosningabaráttu þegar flokkurinn sem maður tilheyrir er ekki að fá meira fylgi en rétt 20%. Held ég taki því bara rólega yfir páskana, og komi svo endurnærður að stríða Frjálslynda Flokknum og öðrum sem ég er ósammála eftir páska :)

Gleðilega páska. Annars er bloggkerfi moggamanna eitthvað að byrja hósta.. vonandi kemst það í lag sem fyrst.

Vá hvað þetta er hart mar!

Hefði aldrei búist við svona harðorðri yfirlýsingu um viðskipti á Íslandi -- nema þá kannski tengt Baugs málinu síþreytta. Ég reyni að vera meðvitaður neytandi, og hef því alltaf verslað við Iceland Express frekar en Iceland Air, en núna er þetta greinilega orðið þannig að maður þarf bara að fara versla við British Airways. Iceland Air verður samt í öðru sæti, því ég vill ekki borga peningana mína í kosningasjóð framsóknarflokksins með því að versla við Finn Ingólfs hjá IcelandAir -- eða FinnAir einsog ég vill kalla það :)

Kannski mar taki bara norrænu.. hver ætli eigi hana?

Segja Pálma eiga persónulegan þátt í rekstrarerfiðleikum IE

Er íbúðarlánasjóður fjármálafyrirtæki?

Það "fjármálafyrirtæki" sem er með óábyrgustu stefnuna þessa dagana er í raun pólitísk stofnun innan ríkisins - eða íbúðarlánasjóður. Ríkistjórnin hækkaði lánshlutfall íbúðarlánasjóðs upp í 90% þegar bankarnir byrjuðu með íbúðarlán, og nú þegar bankarnir eru farnir að halda að sér höndum þá er íbúðarlánasjóður komnir með 90% lánshlutfall aftur! .. sem er meira en bankarnir eru að bjóða í flestum tilfellum!

Það þýðir ekkert að kenna fyrirtækjum um nær 8% verðbólgu því fyrirtæki á markaði gera bara það sem þau vilja - ríkistjórnin ein ber ábyrgð ábyrgð á ástandinu. Að ráðast í stærstu ríkisframkvæmdir íslandssögunar og ráðast á byggðarvandann með risastórum ál-plástrum á sama tíma og einkaaðilar eru í miklum framkvæmdum er örsökin að vandanum. Að láta ríkisstofnanir vera í harðri samkeppni við lánastofnanir á markaði og hverja á sama tíma fjármagnsfyrirtækin til að sýna stillingu er ótrúlegur tvískinnungur. Að vera með dýralækni sem fjármálaráðherra á svona viðkvæmum tímum, sem skilur ekki að það þarf að halda að sér höndum og helst skera niður nema ef maður noti myndlíkingu við riðuveiki er bara óafsakanlegt!

Það er fólk treysti svo Sjálfstæðisflokknum til að reka ríkisfjármálin er bara ótrúlega sorglegt. Ég treysti öllum í framvarðarsveit Samfylkingarinnar betur, hvort sem það er Ingibjörg, Össur, eða hagfræðingurinn ungi hann Ágúst Ólafur. Það eina sem vantar er fylgi sem væri svona tvöfalt á við styrkleika Campari :)

Davíð: Enn sækir í sama horf varðandi aukin útlán fjármálafyrirtækja

50 góðir punktar um ESB

Hér má finna 50 góða punkta um ESB. Það er hollt og gott fyrir alla að skoða eitthvað jákvætt um ESB, því Rúv og Morgunblaðið hafa tekið svo harða afstöðu gegn sambandinu að þeir birta bara neikvæðu fréttirnar.

Ég hef skrifað ansi mikið um ESB á þessu moggabloggi, þannig að áhugasamir geta lesið sér í gegnum það til skemmtunar ;)

Fimmtugsafmæli ESB í Róm

Stór mar..

Það var nú pínu fyndið að sjá þetta koma fljúgandi yfir hérna í vinnunni.. heppilegt að það sé glerþak þannig að maður náði að sjá alveg undir hana þegar hún kom hér yfir.

Það var bara 10min vinnustopp :)

Nýja risaþota Airbus væntanlega í lágflug yfir Reykjavík

Ríkið er orsök þess að vöruverð er hátt á Íslandi

Svona fréttir benda manni á það með svo afgerandi hætti hvað við erum skattlögð í topp hér á íslandi, með beinum og óbeinum hætti! "skorað á ríkisstjórn og Alþingi að fella niður 20-25% vörugjöld á raftæki, hreinlætistæki og byggingavörur" segir Samtök verslunnar og þjónustu .. og þetta eru vörugjöld sem maður hefur ekki hugmynd um. Álög ríkisins á kjúkling er víst meira en 300% áður en hann kemst upp í hillur kaupmanna, og þær álögur breyttust ekkert 1. mars - þá var bara lækkaður virðisaukaskatturinn.

Það er mjög sorglegt að ríkið hafi notað tækifærið til að auka skattheimtu þegar þeir voru að auka innflutningskvóta á kjöti núna í mars - þeir buðu kjötkvótana út og seldu hæstbjóðanda. Viðkomandi aðili þarf þá að hækka innflutta kjötið enn meira, til að borga ríkinu fyrir að fá að flytja það inn. Dulin skattheimta er allstaðar í þessu landi.. og þegar það er talið saman erum við án efa að borga jafn mikinn skatt og frændur okkar danir - sem borga mun minna til ríkisins af áfengi og mat.

Það er nokkuð merkilegt að Samfylkingin sé sá flokkur sem er oftast sammála SVÞ, og í raun stórmerkilegt að það sé eini flokkurinn sem vill alvöru aðgerðir til að lækka matvöruverð hér á landi með því að afnema tolla og gjöld á landbúnaðarafurðir. Ég held að þetta undirstriki algjörlega muninn milli Vinstri Grænna og Samfylkingarinnar - þótt þeir séu sammála um að leggja áherslu á jöfnuð í samfélaginu og hætta stóriðjuframkvæmdum þá eru þeir gjörólíkir þegar kemur að verslun og þjónustu. Þar stöðvuðu VG nýlega það að bjór og léttvín kæmist í búðir, sem Samfylkingin tók þátt í að leggja það fram á þingi. Þeir vilja líka færa sig frá EES samningnum og fara í tvíhliða samninga við ESB, sem er langt og erfitt ferli sem mun ekki verða neinum til hagsbóta.. og svo leggjast þeir algjörlega gegn einkavæðingu.

Fyrir mér er alveg gjörsamlega óskiljanlegt hvernig nokkrum manni dettur í hug að kjósa VG - því þótt þeir séu á móti álverum þá eru þeir bara á móti öllu öðru. Steingrímur J var meira að segja á móti því að leyfa bjórinn á sínum tíma, og vildi frekar að fólk myndi bara bjóða vinum sínum í kaffi.

Hvetja til þess að uppboðum og sölu á tollkvótum verði hætt

Frábærar fréttir

Þetta eru ótrúlega góðar fréttir! Ari Jónsson er án efa einn hæfasti tölvunarfræðingurinn á landinu, og að fá hann í hóp við allt þetta ótrúlega hæfa starfsfólk sem er í tölvunarfræðinni upp í HR er bara frábært. Ég tók þarna masterinn minn, en var það snemma í því að ég ákvað að fara út til DTU eina önn og til University of Alberta í Canada aðra önn af mastersnáminu mínu þannig að ég er með ágætan samanburð á milli skóla, og ég verð bara að segja að HR stendur ekkert langt að baki þessa tveggja ótrúlega góðu skóla sem ég var við. Nú er það orðið þannig að næstum helmingur þeirra sem hafa Dr. gráðu í tölvunarfræði eru að vinna við rannsóknir í HR, og ég held að næstum 90% af rannsóknarpeningunum í tölvunarfræði séu að fara upp í HR, þannig að það er að myndast stort bil á milli HÍ og HR á þessu sviði.

Nú með tilkomu nýs rektors sem mun án efa skilja mikilvægi þessarar deildar fyrir skólann, og liðstyrkurinn að fá Ara við skólann þá er ljóst að þetta er að verða tölvunarfræðideild á heimsmælikvarða, sem ég mæli með fyrir alla þá sem eru að huga á eitthvað tölvu-tengt nám í framtíðinni.

En best að drífa sig að borða eitthvað..

Tveir nýir deildarforsetar ráðnir til HR