Er dónalegt að fá að ekki að blekkja þjóðina í friði?

Listi yfir dóna og dólga;

• Stefán Ólafsson: fyrir að sýna fram á að hagvöxtur hér var undir meðallagi í Evrópu, og ekkert sérstaklega mikill frá 1995 til 2005 miðað við önnur tímabil á Íslandi. (sjá http://www3.hi.is/~olafsson/)
• Indriði Haukur Þorláksson, fyrrum ríkisskattstjóri, fyrir að benda fólki á hversu mikið skattbyrði hafi aukist á Íslandi síðustu ár. (sjá http://inhauth.blog.is/blog/inhauth/entry/205436/).
• Afturhaldskommarnir í OECD að taka undir með Stefáni Ólafssyni og Indriða.. þrátt fyrir að vera sjálfstæð rannsóknarstofnun þá sýndu þeir á dólgslegan hátt hvernig Sjálfstæðisflokkurinn hækkaði skatta mest allra þjóða innan OECD á þessu tímabili með því að láta persónuafslátt ekki fylgja verðbólgu né launahækkunum
• Benedikt Jóhannesson: fyrir að vera sjálfstæðismaður og vilja ganga í esb (sjá http://www.evropa.is/)
• Össur Skarphéðinsson: Fyrir að segja Davíð Oddssyni að hann væri sjálfur dóni í kryddsíldinni

Svona mætti lengi telja.. en það er ljóst að þeir sem rengja lygar Sjáflstæðisflokksins eru dólgslegir dónar og dusilmenni!

Dólgsleg árás, segir Björn

Hjálpum þeim sem þarf að hjálpa

Ég kæri mig ekkert um 20% niðurfellingu skulda minna. Það mun alltaf kosta að fella niður 20% af skuldunum mínum því ég er borgunarmaður fyrir þeim - og það kostar bankann ef ég geri það ekki, og þá mun ríkið þurfa að skaffa bankanum meira eigið fé. Það er því fáranlegt að halda því fram að þetta sé ókeypis og tala um þetta einsog þetta sé raunhæf lausn; flöt niðurfelling skulda yrði dýr og vond lausn.

Það á að taka á vandamálum þeirra heimila sem eru í vanda - og leyfa íbúðarlánasjóði að eignast hluta í íbúðum þeirra sem eru í vanda og lækka þannig greiðslubyrðina. Íslenskt bankakerfi stendur nógu tæpt nú þegar, og þessir ríkisbankar munu hreinlega falla ef að því er vegið með þeim hætti sem Framsókn talar fyrir. Niðurfelling skulda til fólk eins og mín sem eru borgunarmenn er afleit hugmynd; hjálpum frekar þeim sem þurfa á því að halda.. manni er helst farið að gruna að fólk sem talar fyrir þessari hugmynd sé í djúpum skít sjálft, og dreymir um að láta taka af sér part af skuldunum.

Hafnar flatri niðurfærslu skulda

Frestunarárátta Geirs

Það á bara að "Haarda" þetta og gera ekki neitt!

Erlendir fjárfestar á Íslandi, sem eiga eitthvað um 400 miljarða í jöklabréfum, munu semsagt ekki fá skýr skilaboð um að þessi gjaldmiðill eigi sér framtíð. Ef krónunni verður bara fleytt án nokkurrar framtíðarsýnar þá mun hún aldrei njóta trausts! Allt fjármagnið mun leita út úr landi, krónan mun hrynja og gengisvísitalan fara vel yfir 300 og sá 2/3 fyrirtækja sem eru með lán í erlendri mynt vera ekki bara tæknilega gjaldþrota - heldur verða þau öll gjaldþrota, og heimilin munu fylgja eftir vegna þeirrar verðbólgu sem fylgir gengishruninu.

Kannski er ég samt bara svartsýnn.. en ég er einmitt það svartsýnn að ég íhuga að flytja sparifé mitt út úr landi um leið og gjaldeyrishöftin verða tekin af því ég treysti ekki óbreyttu ástandi. Þess vegna hef ég enga trú á að erlendir atvinnufjárfestar hafi það heldur - þeir munu bara taka krónurnar sínar út landinu á hvaða gengi sem er, fyrst þeir hafa verið að bjóða 300 kall per evru í gjaldeyri Íslenskra fyrirtækja.

Við höfum möguleika á því að senda skýr skilaboð til alþjóðasamfélagsins um hver framtíð gjaldmiðilsins okkar sé; við gerum það með að sækja um Evrópusambandsaðild. Geir og Sjálfstæðisflokkurinn mun bera alla ábyrgð á því ef það verður ekki gert.. og ég er skít hræddur um að hann muni "Haarde'a" þetta bara - ýta undan sér allri ákvarðanatöku, vona bara að það þurfi ekki að gera neitt, ekki takast á við vandamálin heldur senda þau í nefnd.

 

Skipuð verði Evrópunefnd

Hey Steingrímur!

Varst það ekki þú og flokkurinn þinn sem vilduð taka upp samnorræna mynt bara fyrir rúmum mánuði síðan? Hvernig er það ekki vantrausttillaga á krónuna? Manni er farið að líða einsog Steingrímur sé með mikið dálæti á Svíþjóð og FIMM HÁSKÓLAGRÁÐUR!! - það þarf allt að vera svo samyrkjunorrænt til að hann vilji trúa því að það gæti verið eitthvað gott í því! Hann stimplaði sig algjörlega út úr gáfumannabókinni minni með að fara tala um að nú væri það ekki vofa kommúnismans sem væri yfir heiminum, heldur kapítalismans; réttur tími til að fara í áratuga gamalt þrætuefni, sérstaklega þegar verið er að bjarga Austur-Evrópu frá örbyrgð kommúnismans með frjálsum markaði (í gegnum Evrópusambandið nóta bene).

Auðvitað eru aðildarviðræður að ESB og evran á dagskrá á Íslandi, nú sem aldrei fyrr! Einusinni áttum við tvo kosti í stöðunni, styrkja krónuna og reyna að halda henni á floti eða sækja um í ESB og taka upp evru. Nú hefur Davíð Oddsson drepið fyrri kostinn og gulltryggt það að við þurfum að ganga í ESB því það verður ekkert blásið lífi í gjaldmiðilinn okkar úr þessu.. amk ekki með jafn vanhæfum yfirseðlabankastjóra einsog Davíð hefur sýnt að hann sé síðastliðna mánuði - og ef þið trúið mér ekki, skoðið þá hvernig gengi krónunnar hefur þróast því það er bara markaðurinn að dæma verk hans!

Þessir þverhausar - Guðni, Steingrímur og Davíð eru raddir fortíðarinnar úr íslenskri pólitík. Nú þarf að hætta að lifa í fortíðinni! Guðni; það er góður matur í útlöndum, helduðru að áratuga reynsla af skinku og kæfugerð Mið-Evrópu sé bara skemmdur matur? Davíð og Steingrímur; það eru frjálsir fjármagnsflutningar þannig að litlir gjaldmiðlar virka ekki án gjaldeyrishamla! Það er frjáls markaður og því stærri sem hann er því meiri hagsæld!

Ef þið skiljið þetta ekki strákar, þá verð ég líka á Haddaway í kvöld.. ég verð við barinn í snjóþvegnum smekkgallabuxum og ghostbustersbol - en engum nærbuxum.

Evran ekki á dagskrá

FÓLK Í STÓR HÆTTU Í DANMÖRKU!

Miðað við þetta álit þá ætti ríkistjórn íslands að gefa út viðvörun til allra íslendinga í Danmörku, og allri Evrópu, að borða ekki kjötvörur! Það er ljóst að önnur lönd en ísland kunna ekkert með mat að fara, samanber allar þessar krydduðu ítölsku / spænsku og frönsku pylsur og skinkur (eru þeir ekki að fela salmonellu eða riðu bakvið kryddið?!).

Ef þú ert að lesa þetta og hefur einhverntímann neytt matvæla í útlöndum, þá mæli ég með því að þú hafir samband við Margréti Guðnadóttur, fyrrverandi prófessor í veirufræði, þar sem matvæli þaðan eru "beinlínis hættulegar heilbrigði manna". Ekki lýst mér heldur á sníkjudýrin tríkínur, sem geta leynst í erlendu svína- og hrossakjöti. Þau geta verið banvæn berist þau í fólk!

Mikið erum við heppin á þessari fámennu eyju okkar, að eiga svona hæfa sérfræðinga til að leita til í svona málum! Bara ef allir þessir útlendingar hefðu getað vitað þetta, þá væru þeir ekki allir að drepast úr kamfýlóbakter eða hálf étnir upp af tríkínusnykjudýrum! Ég sé þetta sem okkar fyrsta mál í öryggisráði Sameinuðu þjóðanna, tilvalið að senda Guðna Ágústsson í málið (og láta hann taka með sér vænt hangikjötslæri og skyr til að hann lifi nú ferðina af)

Vill að frumvarpið verði fellt

Hillary skítadreyfari

Skrýtið hvernig þessi kosningabarátta hefur breytt skoðun minni á Hillary Clinton algjörlega, fyrir hana bar ég virðingu fyrir henni - hélt að hún væri heiðarlegur pólitíkus sem gæti orðið fyrsti kvennforseti Bandaríkjanna - en núna er mér farið að líka alveg ótrúlega illa við hana. Það er stór munur á kosningabaráttunni sem hún er að reka og þeirri sem Obama rekur, fjölmiðlarnir úti eru farnir að segja að þetta sé McCain og Hillari á móti Obama.. og hvaða möguleika á hún á að vinna?

Pínu sorglegt að það sem Hillary notar mest gegn Obama er að hann sagði að verkamenn í litlum bæjum Bandaríkjanna væru orðnir bitrir eftir að hafa lagt vonir sínar við Washington svona lengi, því bæði Bush stjórnin og Clinton stjórnin væri ekki að gera neitt fyrir þá, og því færi þetta fólk að hugsa meira um málefni eins og byssueign, trúmál og að vera gegn samkynhneigðum í stað þess að vera í pólitík. .. pínu skrýtið að hlusta svo á manninn hennar vera að segja það nákvæmlega sama

og nú er komið enn önnur lýgin frá Hillary - korteri fyrir kosningar..

Clinton og Obama takast á

híhí, mbl og fox

Á freedomfries blogginu á eyjunni segir: "Í gær mættust Clinton og Obama í sjónvarps”kappræðum” á ABC sjónvarpsstöðinni. Og það kemur líklega ekki neinum á óvart að Obama hafi komið út sem sigurvegari kvöldsins. Reyndar virðast nokkurveginn allir sammála um það."

Þetta er sama skoðun og ég hef séð í flestum fjölmiðlum sem ég hef lesið.. nema Mbl, því þeir fá fréttirnar sínar frá Fox News. Mér fannst Daily Show fara ágætlega yfir hvernig Fox fréttastofan virkar:

Obama hafði þetta að segja:

Clinton vann kappræðurnar

Er MBL orðið Fox News?

Þetta er algjörlega tekið úr samhengi - hann svaraði þessu sjálfur ágætlega.. og það var farið yfir þetta á CNN á ágætan hátt. Mæli með að fólk horfi á þessi myndbönd.





Það var farið vel yfir þetta á Huffington Post.. mæli með þeirri lesningu. Það sem er sorglegast er að Hillary á ekki séns á að vinna, og það virðist vera að hún sé bara með í forkostningunum til að reyna skemma fyrir Obama - mögulega til að reyna eiga séns á að vinna McCain eftir fjögur ár.

Obama harmar ummæli sín

Smjörklípa á ferð!

Davíð vill bara geta kennt einhverjum öðrum um núverandi ástand efnahags og peningamála á Íslandi. Með því að kenna "einhverjum" ósýnilegum óvini um þá hefur hann fundið þeim sem ættu kannski að vera spá í afhverju ástandið sé svona slæmt eitthvað annað að gera - nefnilega að vera spá í hver gæti mögulega staðið fyrir aðför að íslensku efnahagskerfi. Smjörklípan sem ruglar umræðuna - Davíð að hvítþvo sjálfan sig og Sjálfstæðisflokkin - flotkróna og slök efnahagsstjórn kemur málinu greinilega ekkert við - þetta er allt einhverjum öðrum að kenna.

Reynt að brjóta fjármálakerfið

Viljið þið ganga úr EES?

Félag ungra frjálslyndra leggst gegn Evrópusambandsaðild ásamt öllum milliríkjasamningum sem á einhvern hátt afnema fullveldi Íslands.“

Fyrst þetta er skoðun Frjálslynda, þá væri gaman að heyra hvaða lausnir þeir hafa um vandamálið sem Ísland stendur frammi fyrir í efnahags og peningamálum. Ég hef séð þingmenn flokksins tala um að krónan og verðtryggingin sé vandamál, en hver er þá lausnin ef evran er út úr myndinni?

Ég væri til í að fá að vita hvort ungir frjálslyndir séu þá á því að við eigum að ganga úr EES? Miðað við þessa yfirlýsingu þá virðast þeir vilja segja upp þeim samningi, og reyndar kannski einnig mannréttindarsattmála sameinuðuþjóðanna, sem við Íslendingar höfum samþykkt - sem í raun skerðir fullveldi Íslands til að níðast á íbúum sínum.

Leggjast gegn aðild að ESB