Hjálpum þeim sem þarf að hjálpa

Ég kæri mig ekkert um 20% niðurfellingu skulda minna. Það mun alltaf kosta að fella niður 20% af skuldunum mínum því ég er borgunarmaður fyrir þeim - og það kostar bankann ef ég geri það ekki, og þá mun ríkið þurfa að skaffa bankanum meira eigið fé. Það er því fáranlegt að halda því fram að þetta sé ókeypis og tala um þetta einsog þetta sé raunhæf lausn; flöt niðurfelling skulda yrði dýr og vond lausn.

Það á að taka á vandamálum þeirra heimila sem eru í vanda - og leyfa íbúðarlánasjóði að eignast hluta í íbúðum þeirra sem eru í vanda og lækka þannig greiðslubyrðina. Íslenskt bankakerfi stendur nógu tæpt nú þegar, og þessir ríkisbankar munu hreinlega falla ef að því er vegið með þeim hætti sem Framsókn talar fyrir. Niðurfelling skulda til fólk eins og mín sem eru borgunarmenn er afleit hugmynd; hjálpum frekar þeim sem þurfa á því að halda.. manni er helst farið að gruna að fólk sem talar fyrir þessari hugmynd sé í djúpum skít sjálft, og dreymir um að láta taka af sér part af skuldunum.

Hafnar flatri niðurfærslu skulda

Athugasemdir

[Stefán (IP-tala skráð) 25.3.2009 kl. 13:03]

Rétt hjá þér. Þetta er bara heimskulegt kosningadaður við auðmenn ( sem þurfa enga hjálp ) hjá Framsóknarflokknum og Tryggva Þór Herbertssyni auðmanni, sem fékk a.m.k. 16 milljónir af bankaláni afskrifaðar. 

[Þórður Björn Sigurðsson, 25.3.2009 kl. 15:21]

,,Minna má á að ráðgjöf banka í húsnæðismálum síðustu árin og verðbólguforsendur þeirra við lántöku stóðust ekki.  Á sama tíma tóku bankar, eigendur þeirra og stjórnendur, að sögn stöðu gegn krónunni og ollu með því hækkun höfðustóls lána, bæði myntkörfulána og verðtryggðra lána.  Eins virðast erlendir lánveitendur bankanna hafa sýnt ábyrgðarleysi gagnvart íslenskum heimilum og fyrirtækjum, þegar þeir fengu gömlu bönkunum svo mikið ráðstöfunarfé, sem þeir máttu vita að gæti leitt til vandræða.  Er því ekki að undra reiði fólks í garð banka þessa dagana".

- Guðlaugur Þór Þórðarson, Magnús Árni Skúlason, Pétur H. Blöndal, Ragnar Önundarson, 25.2.09

[Jónas Tryggvi Jóhannsson, 25.3.2009 kl. 17:27]

Seðlabankinn ræður hversu mikið bankar mega lána og því hversu mikil lánastarfsemi á að vera, og stjórnvöld voru að keyra gengi krónunnar upp úr öllu valdi - það er því bara yfirklór að kenna bönkunum um að gengið hafi hrunið, það er seðlabankinn sem hefur verðlagt krónuna allt of hátt með hæstu vöxtum sem fyrirfinnast, til þess að sporna gegn heimaskaðri verðbólgu.. ég verð því að frábiðja mér meira ef þessu rugli frá Guðlaugi Þór, Pétri Blöndal og félögum.

[Héðinn Björnsson, 25.3.2009 kl. 18:43]

Stjórnvöld keyrðu upp verðgildi íbúða og neita nú að taka sinn hluta af reikningnum. Slíkt er ekki vænlegt til að stuðla að frið í landinu. Ég bendi á að notaðir voru á annað þúsund milljarða til að hjálpa fjármagnseigendu* en það má ekki nota 200 milljarða til að hámarka nafnvexti við 10% gegnum versta kúfinn.

 *600 milljarða í innistæðutryggingu umfram 20 þúsund evrur, 400 milljarða í banka og peningamarkaðssjóði, 300 milljarða í gegnum afskriftir Seðlabankans...

[Jón Finnbogason, 29.3.2009 kl. 18:29]

Þetta hljómar nú ekki jafnaðarmannalegt hjá þér, færðu þetta á heilbrigðisþjónustuna og sjáðu hvar þú stendur þá.