FÓLK Í STÓR HÆTTU Í DANMÖRKU!

Miðað við þetta álit þá ætti ríkistjórn íslands að gefa út viðvörun til allra íslendinga í Danmörku, og allri Evrópu, að borða ekki kjötvörur! Það er ljóst að önnur lönd en ísland kunna ekkert með mat að fara, samanber allar þessar krydduðu ítölsku / spænsku og frönsku pylsur og skinkur (eru þeir ekki að fela salmonellu eða riðu bakvið kryddið?!).

Ef þú ert að lesa þetta og hefur einhverntímann neytt matvæla í útlöndum, þá mæli ég með því að þú hafir samband við Margréti Guðnadóttur, fyrrverandi prófessor í veirufræði, þar sem matvæli þaðan eru "beinlínis hættulegar heilbrigði manna". Ekki lýst mér heldur á sníkjudýrin tríkínur, sem geta leynst í erlendu svína- og hrossakjöti. Þau geta verið banvæn berist þau í fólk!

Mikið erum við heppin á þessari fámennu eyju okkar, að eiga svona hæfa sérfræðinga til að leita til í svona málum! Bara ef allir þessir útlendingar hefðu getað vitað þetta, þá væru þeir ekki allir að drepast úr kamfýlóbakter eða hálf étnir upp af tríkínusnykjudýrum! Ég sé þetta sem okkar fyrsta mál í öryggisráði Sameinuðu þjóðanna, tilvalið að senda Guðna Ágústsson í málið (og láta hann taka með sér vænt hangikjötslæri og skyr til að hann lifi nú ferðina af)

Vill að frumvarpið verði fellt

Athugasemdir

[Jónas Tryggvi Jóhannsson, 16.5.2008 kl. 08:49]

Gleymdi að bera þakkir mínar til morgunblaðsins fyrir að halda þessum fréttum að okkur lesendum! Það er ljóst að þeim gengur ekkert annað til en að halda þjóðinni á lífi. Ef þið eruð að lesa þetta kæru fréttamenn, þá ættuð þið að vera stoltir af fjölmiðlinum ykkar! Hann ekki aðeins upplýsir almenning og heldur okkur frá öllu þessu nútíðarbrölti, heldur hreinlega væri þjóðin á barmi dauða ef ekki væri fyrir svona fréttamennsku! Húrra!

[Skákfélagið Goðinn, 16.5.2008 kl. 11:28]

Svona til upplýsinga að þá er hlutfall Íslendinga sem fá matareitrun um 1 % Nánast öll tilfellin eru rakin til matar sem fólkið borðaði á ferðalögum í útlöndum !

Í Svíþjóð eru hlutfallið 10-13 % ( Það þykir bara nokkuð gott ! )

Í Bretlandi er hlutfallið hinsvegar talsvert hærra. Þar fá um 30 % landsmanna matarsýkingu á ári.

Hlutfallið er hærra í suður og austur- Evrópu.

Auðvitað eru ekki allar þessar sýkingar slæmar en þær gefa okkur vísbendingu um hve gott matvælaeftirlitið er hér á landi.

[Addi (IP-tala skráð) 16.5.2008 kl. 21:56]

Tja, vid sáum hann Gudna Á fyrir 60 mín í Kødbyen hér í köben, thannig ad hann virdist vera on top of things.

[Jónas Tryggvi Jóhannsson, 17.5.2008 kl. 10:01]

Það hefði verið gott að vita þetta Hermann áður en ég bjó í Danmörku, Austurríki og sérstaklega í Kanada! Ég virðist hafa verið mjög heppinn að lifa dvöl mína þar af, en mun samt vera í samband við lækni til að gá hvort ég beri nokkuð tríkínur. Bið að heilsa Guðna, og passaðu þig á matnum þarna Addi!