Páskapæling

Mæli með því að allir áhugamenn um stjórnmál þessarar aldar horfi á TED fyrirlestur Bills Clintons. Það er ótrúlegur innblástur sem maður fær stundnum við að horfa á þennan mann tala, og þarna er hann að tala um hvernig hann er að vinna að því að byggja upp heilbrigðiskerfi innan Ruganda. Þegar maður horfir á svona fyrirlestur, þá finnst manni hálf óskiljanlegt þrasið hérna fyrir kosningar; áróður gegn útlendingum, gegn aukinni samvinnu Evrópu (þar sem ESB veitir nær 60% af þróunarhjálp í heiminum) og fleira, en ekkert minnst á að Ísland borgar minnst allra í þróunarhjálp, og er með hæstu verndartolla sem þekkjast.

Ætla samt ekki að missa mig of mikið í alþjóðlegar pælingar, það er nógu erfitt að gíra sig upp í kosningabaráttu þegar flokkurinn sem maður tilheyrir er ekki að fá meira fylgi en rétt 20%. Held ég taki því bara rólega yfir páskana, og komi svo endurnærður að stríða Frjálslynda Flokknum og öðrum sem ég er ósammála eftir páska :)

Gleðilega páska. Annars er bloggkerfi moggamanna eitthvað að byrja hósta.. vonandi kemst það í lag sem fyrst.

Athugasemdir

[J. Einar Valur Bjarnason Maack , 6.4.2007 kl. 22:27]

Já... erh... það er ýmislegt athugavert við ESB, meðal annars það að við gætum allt eins afsalað okkur eignarrétti af Íslandi og sjálfstæðri ákvörðunartöku þjóðarinnar og gengið til liðs við Fjórða Ríkið - Ríki EuroCrata...

Held ég segi pass. 

[Jónas Tryggvi Jóhannsson, 7.4.2007 kl. 11:46]

Skemmtilegt hvernig þú talar um Evrópusamstarfið af yfirgripsmikilli vanþekkingu; eru evrópuþjóðirnar ekki fullvalda? eiga þau ekki land sitt lengur?.. þetta er skemmtilegur bjánaskapur.

Þessi þjóðernis - eignar - rembingur er samt alveg áhugaverð umræða. T.d. nýtum við sjálfræði okkar í landbúnaðarmálum alveg einstaklega vel, með mestu styrki og tollavernd af öllum Evrópuríkjunum -- og fyrir það borgum við hæsta matarverð í heimi. Þetta benda "frjálshyggju" mennirnir á að við megum ekki missa, frjálsræðið til að gera okkar eigin viðskipasamninga, þegar í praktík notum við þetta til að halda uppi háum tollamúrum.

ESB snýst að mestu leiti um einn frjálsan markað: við erum partur að því samstarfi með EES. 25% af lögum Íslands koma því sem tilskipanir frá ESB án þess að við fáum neitt um það að segja -- og þetta eru allar veigamestu reglur sambandsins! Það sem stendur eftir er í raun bara landbúnaðarkerfið og sjálfstæð peningamálastefna. Það er því pínu skrýtið að tala um afsal á sjálfstæðri landbúnaðarstefnu sem afsal á fullveldi?